الحقوووووو يابنات لايفوتكم اول قصيدة .. أدخلو شوفو :)

[ينابيع]

السلام عليكم ورحمة الله وبركاته

كيف حالكم جميعاً ,

اليوم سلمكم الله كنت اسولف مع الغاليه سجايا جت قالت لي انها كتبت بي قصيده قلت وينها؟

وراك مانزلتيها بالمنتدى؟

قالت استحيت قلت لها افاا هاتي انا انزلها

اول مره تكتب بي قصيدة : )

هذي القصيدة

أمــــانه يالسّحاب اللي .. توجـه للقصيـم عِصير .. تركّد وإحمل الأشــــواق مِعك لسيـد خلاني ..

وإذا جيت لطرِف ( الرس ) تهلل وإنهطل بالخير .. وعانقها بأشواق الغلا يوم الغلا جاني ..

وعطها نبذة اخباري وعطها موجز التقريـر .. وعطها سالفة حبٍ سكن في وسـط وجدانـي ..

جزاكِ الله خير سجايا

[سجايا]

: )

تستاهلين ينبوعه ،، الله لا يحرمنا طلّتكُم

لي عَودَه ^_*

[منار الإيمان]

وعليكم السلام ورحمة الله وبركاته..
ماشاء الله......تبارك الله.
طلعت لنا شاعره بالمنتدى...كان من زمان قلتيلنا...حيا الله شاعرتنا.
ينابيع تستاهل كل خير........
جزاكم الله خير ينابيع وسجايا.......

[أم الخطاب]

والله حركاااااات ,,,

يعني لازم أسوي عملية حتى تحسون فيني

وتقولون فيني جميل الكلام ؟؟؟ !!!

عموما ينابيع تستاهل دواوين والله .

الحمدلله على سلامتها ويحفظها ربي من كل شر وكل من قرأ.

[ينابيع]

تسلمين والله سجايا ^_^

هلا وغلا أم الخطاب مشكورة يالغاليه : )

حياكِ الله منار

[رواسي]

آه ه ه ه ه ه

يازين الإبيات وربي هزتني وخنقتني العبره

ذكرتني بخويت (ن) كانت ساكنه في المدينه بعدها تزوجت وعاشت في الرس والبارحه

مكلمتني لو عوده :(

[ينابيع]

حياكِ الله بنت المدينة : )

[رواسي]

أمــــانه يالسّحاب اللي .. توجـه للقصيـم عِصير .. تركّد وإحمل الأشــــواق مِعك لسيـد خلاني ..

وإذا جيت لطرِف ( الرس ) تهلل وإنهطل بالخير .. وعانقها بأشواق الغلا يوم الغلا جاني ..

وعطها نبذة اخباري وعطها موجز التقريـر .. وعطها سالفة حبٍ سكن في وسـط وجدانـي ..

أقول ينابيع تسمحين سرقتها وإستعارتها من سجايا ابسويها مسج في الجوال
ممكن ؟؟

: )

[ينابيع]

هلا بنت المدينة

ايه ممكن حلالك يالغاليه

[رواسي]

لله يسلمك ويبارك فيك

اصيله والله

[ينابيع]

بنت المدينه بقولك سر بس لاتعلمين احد : )

القصيدة الاصلية بالحجاز مو بالقصيم بس سجايا الله يجزاها خير حولتها للقصيم

هذي القصيدة الاصل

أمانه يالسحاب اللي توجه للحجـاز عصيـر
تركّد واحمل الأشواق معـك لسيـد خلانـي
وإذا جيت لطرف جدة تهلل وانهطل بالخيـر
وعانقها بأشواق الغـلا يـوم الغـلا جانـي
وعطها نبذة اخباري وعطها موجز التقريـر
وعطها سالفةحب سكن في وسـط وجدانـي
انا ماأقدر على وصفة وخانت روعة التصوير
دخوله انعش فؤادي مثـل همـال الأمزانـي
بنا له عرش واستوطن ونفّذ خطت التهجيـر
وهجّر من سكن قبله بـلا رحمـه وتحنانـي
عقب ماكانت ظلوعي تشكّى من العطش للبير
تروّت من غلا حبه وفاضـت كـل كيسانـي
وانا ماني بطايع في هواها عاذلـي ومشيـر
أبعطيها الغلا اللي ماعطيتـه واحـد ثانـي
وبكتب في سماء الصفحة وأعبّر للهوى تعبير
وبشطب من جَرَح قلبي وبنسى كامل أحزاني
حياتي قبلها كانـت بدايـة مرحلـة تطويـر
وبعد ماحلت بقلبي ثبـت اسمـي وعنوانـي
أمانه يالسحاب للي توجه للحجـاز عصيـر
تركد واحمل الأشواق معـك لسيـد خلانـي

هنا بالصوت (http://www.w7m.org/2007/Jun/1182128337.mp3)

[أم الخطاب]

بنت المديـــــــنة الله يجمعك بصديقتك عاجلا غير آجل وتشوفينها .. وتشبعين منها ..
ولا يفرقكم أبد .. آميـــــــــن ..

ينابيــــــــع ... أنا كاشفه الموضوع من أول لكن ماحبيت أتكلم .. هههههه
لكن مشكورة على وضع الأبيات بالصوت والصورة مؤثرة جدا ..

سجايــــــا .. بنجلس وراك وراك إلى أن تكتبين شعر .. ما علينا أنت ورطتي نفسك .. (:

أحبكم جميــــعا ..

[ينابيع]

أم الخطاب سجايا قالت لي من الاول أن القصيدة بالحجاز بس انا ماعلمتكم قلت ابتميلح اشوي بعدين اعلمكم : )

[منار الإيمان]

ينبوعه كشفناك كنت أنا و"أم الخطاب" نراقب الموضوع من دون ماأحد يدري بس لاتقولين لأحد....

جـــــــــــــــــــــــــاري تحميل القصـــــــــــــــيــــــــــده........

"سجايا" الله يعينك ورطي نفسك مالنا شغل...

ترى نمزح أحنا نبغى القصيده تجي أهداء موغصب ......وفقك الله......

أم الخطاب ..أحبك الله الذي أحببتني فيه......

[رواسي]

..أحبك الله الذي أحببتني فيه......:)

اهااااااااا اثرينا غالين وحنا مادرينا

ياحبي لكم ولقصايدكم


تصدقون عاد من اليوم أحاول اعصر المخيخ برد بقصيد على الشاعره مير الشكوه لله

عيت تجي ..يالله بس فالحين بالخلطات والطبخات والصولات والجولات مع التجارب

ينابيع تسلمين والله منكم نتعلم القصيد ..

[رواسي]

أم الخطاب جزاك الله خير على الدعوه

بيني وبينك في هالزمن محدن يشبع من خويه خاصه لياكان فيه سمات الخير والصلاح مثل

أخوات طيبات وأجوديات مثلكن شرواكن من همة المسلم ..

[أم الخطاب]

إي والله كلكم غاليـــــــن ...

لكن ماتلاحظون أن هناك طرف قوي في الموضوع ذهب ولم يعد ؟؟ !!

سجايــــــــــــــــا .... أعترفي وينك .. تدخلين وماتردين !!

كل وحده منا تبي قصيدة خاصة فيها ..
أو على الأقل بيت واحد .. يالله دبري نفسك ..
أنتم معي ؟؟

[رواسي]

ايه معك

كل وحده فينا تسويلها بيت شعر ...ونعتبرها عيديه منك ..

[سجايا]

إحم يا شين الإحراج

لو لاحظتُم ،، كتبت في ردّي الأوّل ،، لي عَودَة

ونيّتي ، أعودُ وأُبيّن إني غيّرت كلمة الحجاز إلى القصيم وعدّلت بالأبيات

حتى إني قلت لينابيع تساعد في التعدّيل وقلت لسلفيّه ودي أدّخل إسم ينابيع بالقصيده ، حاولنا يمين يسار فوق تحت ما ضبطت معنا ^_^

أمّا عَنْ كِتابَه الشّعر فلا أعرف ولستُ مِنْ أهل الشّعر مُمكن أحرّف وأغيّر بالكلمات وأحذف وأزيد لكن أن أكتب شعراً خاصاً بي لا أذكر أني كتبت في يوم مِنْ الأيام إلا بيتاً واحداً أو بيتين بيني وبين نفسي ، وهُما غير قابلا ( للنشر ) كتبتُهُما في موقفٍ مُعيّن لشخصٍ مُعيّن ، ولم يسمعها مني أحد ، حتى مَنْ كتبتُ فيهم هذين البيتين : ) ..

أسعدكم الله جميعاً ، وَحفظَ اللهُ حبيبتنا " ينابيـــع " فاللهُ يَعلَمْ مَعزّتها في قلبي ..

والسّموحه منكم يا غاليات ( وجه مُبتسم )

[ينابيع]

اقول هية أنتي وياها وش تحسبون الدنيا فلت؟؟

سجايا بوجهي ياويل الي يقولها شي

[رواسي]

ينابيع مسويه أم الفزعات لا هين

تجي أم الخطاب ويصير خير ..

آه ليتني شاعره لاسوي فيكن قصيده يسير بها الركبان ..

[حديث الروح]

أمــــانه يالسّحاب اللي .. توجـه للقصيـم عِصير .. تركّد وإحمل الأشــــواق مِعك لسيـد خلاني ..

وإذا جيت لطرِف ( الرس ) تهلل وإنهطل بالخير .. وعانقها بأشواق الغلا يوم الغلا جاني ..

وعطها نبذة اخباري وعطها موجز التقريـر .. وعطها سالفة حبٍ سكن في وسـط وجدانـي ..

قصيدة رائعة وإن كانت محورة فالهدف منها إيصال تلك المعاني الجميلة الراقية للأخوة

:::

سلمت أناملكِ أختي الغالية ::سجايا:: وأختنا الحبيبة ::ينابيع:: تستحق كل خير

أثابكن الجنان وأسعد قلوبكن يارب

[أم الخطاب]

سجـــايــا,وحسبك من خمسةِ أحرفٍ *** مافي البريةِ من نهــى وكمـــال

( ابتسااااااااامة كبيـــــــــــــرة )

البيت بالطبع ليس لي .. أحببت أهديه للغالية سجايا .

[منار الإيمان]

ماشاءالله عليكم...
بنت المدينه ضحكتيني تعصيرين المخ إن شاءالله يارب تجي باكر تبشرينا بكتابتك ........
بارك الله فيك سجايا وفي بنات الهمه وحفظ الله ينابيع...

[ينابيع]

السلام عليكم ورحمة الله وبركاته

ماشاء الله

أم الخطاب صايرة تكتبين شعر؟

بسرعه أكتبي كم بيت بي تراني انتظر: )

[سجايا]

جُزيتِ خيراً " أم الخطّاب " وَرفعَ اللهُ قدركِ : )

[أم الخطاب]

حيااااااااااااك الرحمن سجايااااا

ولي عودة للغالية ينابـيــــــــــــــع .

[أم معاذ]

أضحك الله سنكم يا غاليات .

و لم لا فليس الابداع عنكن ببعيد .

[ينابيع]

حياكِ الله أم معاذ

[سجايا]

إيه تقصدين الرّس والرياض وعنيزه : )

صح لسانكِ ، خطيره يا أم الخطّاب ^_^

[أم الخطاب]

قبل كل شي لا أحد يدقق على الوزن :ad4:

يا أهل(رسٍ)وإن لم تسمعوا نغمي ## مازال همسكم في القلب أسمعهُ

كم ضـج حـبك ينـابـيـــع في الـقـــــــ ## ـــلــب والأشــــــواق تلــــهبـــــهُ

يـنابـيـع في منــأى عني تجـــــاذبني ## فيها الأمـــاني دواءاً كم أُجَرعهُ

لــئـن قـنعــتُ بأن الأرض واحـدة* ## فلي فـــؤادٌ عــصيٌ كيــف أقنعهُ


*الرس والرياض


:an9: انحذف ردي الأول ورديت مرة أخرى ..

[ينابيع]

قبل كل شي لا أحد يدقق على الوزن :as4:

يا أهل(رسٍ)وإن لم تسمعوا نغمي ## مازال همسكم في القلب أسمعهُ

كم ضـج حـبك ينـابـيـــع في الـقـــــــ ## ـــلــب والأشــــــواق تلــــهبـــــهُ

يـنابـيـع في منــأى عني تجـــــاذبني ## فيها الأمـــاني دواءاً كم أُجَرعهُ

لــئـن قـنعــتُ بأن الأرض واحـدة* ## فلي فـــؤادٌ عــصيٌ كيــف أقنعهُ

الله روووووووووووعه

الله يعطيك العافية أم الخطاب

إية كذا خلو القريحة تفوح واقصدو فيني