البنت جت تخطبك موااااافق؟؟؟؟؟؟؟

[الملتزم]

الموضوع هبل في هبل
يعني ماله أساس من الصحة
هذا الكلام للناس الل يحسبوني انزل موضيع اطبقها

تخيــــــــــــلوا البنات يخطبـــــــــون

يعني تتفاجأ في يوم وانت قاعد تقرا كتاب رومانسي وأنواع الأحلام الورديه (يااي) و سرحان في فارسة احلامك على السرير الابيض..

الا و امك داخلة عليك و توها جاية من الاستراحة و تقولك: يا ولدي ودي اكلمك في موضوع. .

ترد انت بكل خوف : خير يمه؟ ....

تقول امك: ترى جارتنا ام خالد تبي تخطبك لبنتها. وانت ماشالله كبرت و احلويت وكلن يبيك. ها وش رايك

ثم تنزل انت راسك في الارض و تلعب باصبعك في شعرك (او شنبك)و ترد و انت مستحي و خدودك حمرة (هذا اذا كنت محلق اللحية) و تقول: ....

الراي رايك والشور شورك يايمه..

تقول امك: انا بصراحة ما اشوف في البنت شي. .


ماشالله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من المسجد للبيت ..

ولا عندها سوالف السفر و الخربطة و ما تشرب ولاتدخن و لا تروح لاستراحات البنات. يعني بنت ما عليها. .

تقول انت : بس يا يمه هي ما شافتني من اول. انا دايما متلطم بشماغي (والله عيب بس بكمل)

تقول امك: هي شافتك و انت نازل من باص المدرسة (الله واكبر يالروز رايز)...

بس ..و سألت عنك و قالو لها خوش ولد ماهوب راعي سوق و كوفي شوب و ما يطلع الا مع ابوه. (والله فشيلة بس بكمل)

و تراها هي و امها جايين يوم الخميس علشان يشوفونك..

تسال انت: طيب يا يمه ابوي وش رايه؟

تقول امك: ابوك ما يدري خليه حايس في المطبخ الله يعينه..

تقول انت :اللي تشوفينه يمه. .وتطلع امك من الغرفة

وتنط انت قدام المراية و تاخذ نص لفة يمين و نص لفة شمال تشوف جسمك و تمشط شعرك و شنبك بدلع (ياعمري)

و تقول : اه اخيرا حسَت و خطبتني. ( لا لا لا والله ما يصير بس بكمل)

و قبل يوم الخميس تروح انت لكوافيير رجالي و تكون مسوي حجز و تقعد و تصبغ شعرك (هاي لايت) و تزين حواجبك و تشيل شعر يدك و رجلك بحلاوة و تطلع زي فلقة القمر


وتجي البيت و تلبس الثوب اللي فصلته عند المصمم( عبده شولق) لثياب الاعراس الحفلات واللي فيه فتحة من عند الساق و فتحه في الظهر وسيور و ذاك المكياج وذاك العطر اللي يشق الخشم و تنزل للصالة

ويقولك ابوك : يالله دخل العصير على خطيبتك ترى امك ذبحتنا تسال عنك

تقول انت بكل خجل: واي واي يا يبه انا استحي

ابوك يقولك وهو يطق على كتفك و يضحك يا ولد روح لعروسك إهئ إهئ

تقول انت: يا يبه دايما تحرجني انت واي واي

و تاخذ صينية العصير و تدخل المجلس اللي فيه البنت بكل نعومه ورقه ودلع وأدب و تقول بصوت ناعم: احم احم الس سسسلام عليكم(صاير حكيم على غفلة)

ترد هي بعد ما وقفت و عليكم السلام ( و هي تناظر فيك و في كل قطعة فيك) ...

و تقولها تفضلي....

تقول هي: وش الاحلى العصير الاحمر و لا الاصفر؟ بزعمها تبي تلطف الجو معك ...تتلصق.

تقول انت: كله حلو

تقول هي: اكيد كله حلو لانك انت اللي مسويه

ثم تحط الصينية بسرعة و يدك على فمك و تضحك و تروح داخل بسرعة

ياربييييييييييييييه

الا اخوانك يستنونك و يقولون: ها وشلون شكلها

تقول انت: واي واي تهبل تهبل حلوة و دمها خفيف و ذوق اهههههااي

الا ابوك من المطبخ يلولش (يزغرط بالمصري)


لللللللوووولللللوووووشششششششش مبروك يا ولدي

الا بدخلة اختك العربجية من بره و حاطه عبايتها على كتفها و تقول : خير وش فيه !!

يقوله ابوك : قصري صوتك في وحده داخل خطبت اخوك ..

تقول اختك: وهي وين شافت اخوي علشان تخطبه هاه؟؟؟؟ و تعطيك كف و تصرخ والله لاوريها شغلها اللي جايه تخطب اخوي ...

الا بدخلة امك و تسطر اختك كف و تطلع اختك بالسيارة و تفحط و تروح للاستراحة البنات <..تخيلوا عاد

و تمر الايام و انت تجهز ثوب العرس و الكوشة و بيت الزوجية و خلال هالفترة تمرك زوجتك بالسيارة تتمشون و تحاول انها تمسك ايدك و انت مستحي ( ومن هناك ودك و بتموت) و شوي تحاول تبوسك و انت تقول لا لا عيب احد يشوفنا( يعني لو ماحد يشوفنا ترى عادي)

و يجي يوم العرس و تقعد انت في الكوشة و كل الشباب حوالينك يرقصون و يغنون على انغام طيران فرقة الشاطئ للرجال و طبعا مافيه زبيدة او صيته او العنود وسارة

وشوي الا العفسة قايمة : ترى العروس جايه

و ينطون الرجال و الشباب كلن يلبس شماغه و يتلطم ..

و تدخل العروس مع امها و خواتها (خواتها يتيميلحون قدام الشباب ) و تقعد العروس جنبك و ترفع الطرحة (طرحة البسام بصمة خمسة) و تقولك: الله صاير مثل القمر

ثم تلف وجهك وانت مستحي

و يتم الزواج و بعد تسعة شهور الا انت تصرخ في الليل فيك الطلق

و يودونك المستشفى و تولد و تجيب توأم

وتطلع من المستشفى الى بيت اهلك علشان النفاس <....حركات

و تاخذها زوجتك فرصة و تسافر مع البنات و يهيصون قبل ما تخلص مدة نفاسك الله يساعدك

و ترجع لبيتك تربي عيالك و تطبخ الغدا لزوجتك

وتتخانقون ساعات و تنام و دمعتك على شنبك

ويزيد حدة الخلاف و تاخذ شماغك و عيالك و تروح لبيت اهلك


هههههههههههههههههههههههههههههههههههه

[{{ أبوسعود }}]

هههههههههههههههههههههههههههههههههههههههههههههههههه ههههههههههههههههههه

الملتزم والله فطستنى من الضحك ولوعت كبدى ههههههههههههههههههههههههههه والله ماتركب ابد ههههههههههه

[أم الخطاب]

هذي مأساة البنات عيشوها ولو خيالا ..

مشكور .

[نزوف]

لا عجب في هذا الزمان أن يحدث ذلك !

توقعوا انقلاب الموازيين

جزيت خيراً أخانا الفاضل موضوع ظريف ,,

[ينابيع]

اضحك الله سنك الملتزم

[أبوعلي]

حياك الله الملتزم ، أتمنى إنك ما تفكر كثير ولا تسرح كثير ترى التفكير للبعض متععب.








اتوقع اول ما قريت الكلام وش فيه هذا شايف نفسه ، بس بصراحه مدري وش اقول لكني صريح في رايي ولا احب اجامل ، ما لقيت هدف من القصة حتى الطرفه الي فيها ما تركب .

اتمنى انك تتقبل نقدي بصدر رحب .

[خادم الإسلام]

انا مستعد في كل هذا ما عدا حملي خخخخخخخخخخخخخخخخخخخخخخ
مشكور على القصه المفيده

[الملتزم]

جواااااااااااااااااااااااااااك الله خير أخي التميمي ويعلم الله حبي فيك فأنت لا تعرفني وأنا لا أعرفك ولكن كتاباتك في رياض المسك وهذا رايك وحتى الرسول قد خالفه أصحابة في وجهة النظر ولكل وجهة نظر

[أبوعلي]

جزاك الله خير واسعدني ردك وفقك الله وجعلنا أخوة فيه سبحانه .

[سنــــــــــد]

السلام عليكم ورحمة الله وبركاته

اماااااااااااااااااااا موضوعك حلو مره يالملتزم { البنت جت اتخطبك }
خلها تصمل وتقدم على خطبتي وان شاء الله ما نختلف انا وياها بنتفق
ان شاء الله بس خل تصمل وتخطبني ..... بس هاه نبها يالملتزم ما اقبل مسيار
هههههههههههههههههههه

[الملتزم]

هلا بك أخي التميمي وبك أخي سند أخاف تهرب ليلة الدخلة خلك عروس حلوة ولا تهرب
هههههههههههههههههههههه

[سنــــــــــد]

عرفت تصيدني فيها يالملتزززززززززززم ،،،،،،،

ههههههههههههههههههههههههههههههههه

[قناة المجد]

هههههههههههههههههههههههههههههههههههههههههههههههههه ههههههههههههههههههه

الملتزم والله فطستنى من الضحك ولوعت كبدى ههههههههههههههههههههههههههه والله ماتركب ابد ههههههههههه

[الملتزم]

بسم الله على كبدك

[قبل الرحيل]

:36_1_13: أضحك الله سنك