ورقة المقاضي ..

[أم الخطاب]

ورقة المقاضي .. :36_1_44:


ياعااااااااالم قسم راحت حياتي اوراق صغيره .. جيوبي مليانه .. كل ظهريه وبعد صلاة العشا طيب يازوجتي العزيزه فيه شي اسمه دمج .. رئاسة تعليم البنات بكبرها دمجوها .. ماتدمجين انتي ورقة مقاضي الظهر مع ورقة مقاضي الليل ونفتك من هالقلق اليومي .. المشكله وشي .. المشكله اني اقرا طلبات مالها داعي بس مجبور اجيبها .. دراق / طماط/ بقسماط/ برغل / واخرتها مانلقاعلى السفره الا كبسه وان سوينا نفوسنا كنديين حطينا فجل هههههههههههههه طيب هالبقسماط والصولجان وبقية الاسامي الصعبه لمين طبعاً لخواتك اذا جوا يوم الربوع وانا ياغافل لك الله طقني الجوع مع ابوشايع وابوعبدالله وان سوينا فيها فجور وكااااااش ارسلنا حنيف يجيب بروستد وتهاوشنا على الثوم ههههههههه والمدام مع خواتها يتنعمون من خيري ومن تعبي ومطامري في البقاله مع ورقة المقاضي

مره سويت فيها ذكي وبعد ماقضيت لزوجتي يوم الربوع قلت بروح للشباب .. واطب على المدام بدري واحصل خواتها عندها وتوهم حاطين العشا ... يلعن ام الكااااارثه .. اخيرا شفت ورقة المقاضي صدق .. لقيتهم حاطين سفره بدايتها في المقلط ونهايتها عند ساكو اللي ورا حلبان الى درجة انهن حاطين سيكل جنب السفره علشان اذا وحده بغت صحن من طرف السفره يمديها تجيبه .. والقا لوحه مكتوب عليها ( السلطه 60 كلم ) ههههههههه قسسسسم بالله مافيه شي ماهوب على السفره ماناقص الابطل بلاك .. الى درجة اني رحمت الامير سلطان يوم شفت سفرتنا ههههههههههههههه


المشكله ان زوجتى تعاملني على اني ابلة تدبير وعندي خبره وانا والله ما افرق بين الملوخيه والكزبره تقوم تكتب لي مره في الورقه كيلو كنافه كذابه هههههههههههه قسم تروعت وش ذا الكنافه الكذابه , انا اعرف الصادقه يوم اعرف الكذابه .. واروح البقاله مالقيتها اتصلت بصديق قال رح لمحل حلويات .. واروح وانسى اسمها واقول لراعي المحل عطني كنافه نصابه هههههههههههه ناظرني بأحتقار وعطاني اشكل بدل مايعطيني كنافه .. في الاخير رحت عنده وقلت ياااخي معليش انانسيت اسمها بس انها كنافه ماهيب مضبوطه يعني كنافه كافره وبتروح النار ضحك قال قصدك كنافه كذابه قلت ايييييييييه هذي بنت الكلب ابي منها كيلو .. زحمه وكنافه كذابه واخرتها قطعة خبز لاعبين علينا وحاطين عليها شيره هههههههههه ..



وكله كوم ويوم خذت اختي في المدرسه طريقة عمل المكرونه بالبشاميل سرى يومنا ماغير ناكلها الى درجة ان ابوي اضافها في دفتر العايله لانها صارت جزء من العايله ووحده مننا
الله يحفظ الوالده .. ورقة المقاضي حقتها ماتتغير علشان كذا مانرميها انا حاطها في المفضله لانها هي نفس الطلبات كل يوم بصل/ طماط/ رز/دجاج/خبز/ واذا بغت تسوي نفسها كيوت استبدلت البصل بثوم واذا ملينا وبغت تجدد فيها حطت الرز قبل البصل والخبز قبل الطماط والله اني عشت عمري كله وانا نفسي اكل شي جديد وخاصةً ذا اللي يقولوه اومليت الى درجة اني سكنت في فندق مره علشان لقيت في القائمة اومليت مادريت انه بيض



المشكله ماعندهم رحمه .. درجة الحراره في عز الصيف الف وانت تطامر من محل الى محل وبمعية سموك ورقة المقاضي لو تجيب العثيم كله وتنسى شي بسيط قامت القيامه ولازم ترجع وانت اصلاً شرير ولاعمرنا شفنا منك شي يابخييييييييييييل .. وياعيني على استخدام التقنيه .. ورقة المقاضي صارت من العصر الحجري الحين تجيك المقاضي مسج على الجوال والله اني ابغا اصيح اذا قريت رسايل جوالي ورسايل جوال اخوياي العزوبيه .. كل رسايلهم ( عندما تشرق شمس يوم جديد اذكرك .. ) ( كفاني ان جنح الليل يغشاني ويغشاك .. ) ( الله على الجمس لولا وراد الستين ) << رسالة داخله بالغلط خويته ابوها شريطي ههههههههههههه وانا تعال شف رسايلي ( حليب سريلاك .. ) ( ارجع بدري نبي مويه ) ( وانت جاي جب اعواد اسنا ن ) اعواد اسنان في نص الليل الله من الاعذار بس

وماقطع قلبي ونكد علي حياتي الا اذا طلبوا تسالي .. تجيب برنقلز قالوا نبي جحا .. تجيب بنكهة الكاتشب قالوا نبي بالخل والليمون .. تجيب رقاق الورده قالوا نبي رقاق غوار .. تجيب صلصه قالوا نبي ماجي .. بس خل عنك والله صار عندي خبره ولاخبرة رابحه وانا والله من اول كنت احسب البندوره هي البطاطس ههههههههه

مناسبة هالموضوع اني رحت اليوم بعد صلاة الجمعه ومعي كالعاده رفيقة دربي ورقة المقاضي طولها حوالي 7.12 متر ويوم دخلت العثيم والقا زحمه وانا اللي تصعب علي نفسي واتمرد واشق ورقة المقاضي وارسل للمدام رساله اقولها اني تمردت وقطعت الورقه ... جزاها الله خير تفهمت الموضوع بشكل حضاري وهذا انا اكتب لكم الموضوع من مقهى ههههههههههههههههههه.


من بريدي :36_1_33:

[النحلة]

هههههههههههههههههههههههههههههههههههههههه

رهيييييييييييييييييييييب

مشششششششششكوره ام الخطاااااااااااااااب

[عبد الله العويد]

مره سويت فيها ذكي وبعد ماقضيت لزوجتي يوم الربوع قلت بروح للشباب .. واطب على المدام بدري واحصل خواتها عندها وتوهم حاطين العشا ... يلعن ام الكااااارثه .. اخيرا شفت ورقة المقاضي صدق .. لقيتهم حاطين سفره بدايتها في المقلط ونهايتها عند ساكو اللي ورا حلبان الى درجة انهن حاطين سيكل جنب السفره علشان اذا وحده بغت صحن من طرف السفره يمديها تجيبه .. والقا لوحه مكتوب عليها ( السلطه 60 كلم ) ههههههههه قسسسسم بالله مافيه شي ماهوب على السفره ماناقص الابطل بلاك .. الى درجة اني رحمت الامير سلطان يوم شفت سفرتنا ههههههههههههههه [/color] :36_1_33:


صراحة موضوع شي

بس كنت بخربه جيت بطق اقتباس طقيت حذف أو تعديل

يعني كان خربت الموضوع

جزاكم الله خير أم الخطاب

[نايت]

عجيب طلع في اكلات غير الرز

لابد من التغيير نطالب بتغيير انواع المأكولات

خلاص ملينا من الرز والدجاج

حتى الدجاج مرض وصار فيه انفلونزا وما زلنا ناكل دجاج ورز

نبي همبرقر وبطاطس

<------ اقول يازينك ساكت احسب عندك سالفه واخرتها همبرقر وبطاطس

:):)

موضوع حلو ولو ان فيه اشياء ودي حذفت او عدلت

بس فعلا مشكلة ورقة المقاضي لا يكاد يسلم منها احد

يقولون واحد من كثر ما يكلمونه ويقولون جب معك

حط اسم اهله في الجوال " جب معك "

لازم يكون فيه حوار في البيت بين الرجل سواء اب او اخ او ولد مع المرأة سواء ام او زوجه او بنت

ويكون فيه اتفاق في عملية الشراء وما تكون الدعوه فوضى وكل شوي ورقه مقاضي

المفروض فيه مقاضي نجيبها بالشهر ومقاضي بالاسبوع ومقاضي باليوم يعتمد على تاريخ انتهاء الصلاحيه

وعلى قدر حاجتنا ولا اعتقد فيه شي لازم نجيبه يوميا الا الخبز

المهم كل واحد يصنع بيته والا بيفلس وبتطلع له كرش

واللي يبي ينوع اكل في البيت يقول لزوجته غيري الاكل اليوم لا يقعد بس يجيب الاغراض ويسكت ينتظر منها تتكرم وتغير اطلب وش يدريك يمكن ما جاء على بالها انك تحب انواع ثانيه

تخاف تسوي لك نوع جديد وما يعجبك وتطيح فيها سب هي وطبخها

وبعدين ترى الحريم يتفنون اذا جاهم احد لانهم يتلقون كلمات ومدح يرفع من معنوياتهم واكثر شي يفرحها اذا قالت لها وحده ممكن طريقة الاكله هذي

-----------

طيب الان تخيلوا معي لو ان الرجل هو اللي يطبخ تتوقعون بينوع الاكل كل يوم او بيستمر على نوع واحد ؟


خلاص انتهى ردي

جزاك الله خير ام الخطاب موضوع حلو بس مثل ما قلت فوق

:):)

[{{ أبوسعود }}]

هههههههههههههههههههههههههههههههههههههههههههههههههه هههههههه
هههههههههههههههههههههههههههههههههههههههههههههههههه هههههه
هههههههههههههههههههههههههههههههههههههههههههههههههه ههههه

الصراحه شئ واقعى وخيااااااااااااااااااااااااااااااااااااااااااااااا ااااااااااااااال

<<<<حفظ ابو الاسواق اللى عندهم من كثر روحتهم

حتى والله حفظت انواع قطع القماش شيفون وبطانه هههههههههههههههههههههههههههههههههههه الى متى يعنى ^_*

جزاكم الله خيرااا اختنا ام الخطاب ونفع الله بكم

[ينابيع]

المشكله أننا نكتب ورقة المقاضي وماتجي كلها لازم يسوون عليها خصم

عشان كذا من باب الاحتياط نحط شي زياده :)

جزاكِ الله خير ام الخطاب وأسعدك الله بالدنيا والأخره

[عبد الله العويد]

يقولكم في واحدة حرمته مغير جيب لنا كذا و جيب لنا كذا

قالها ما صارت كله جيب جيب جيب

أبي يوم واحد بس تقولين أخذ

قالت خلاص أخذ التلفزيون صلحه :)

و عساكم على القوة

[أم الخطاب]

لكــــــــــــــــــــــــــل الاخـــــــــــــــــوان ..

جزيـــــــــــــــــتم خيــــــــــــــــــــــــــــــرا..


أخي نايت / الموضوع موضوعك خذ راحتك .. كنت أريد التعديل لكن ما عدلت ):

[نايت]

ما عليه يمكن الامر عادي واللي ما تعدل الحين يتعدل في المواضيع الجايه

بس موضوعك غير اشياء عندي انا خلال السنه الماضيه لم ارى ورقة المقاضي هذي بعد ما كنت اشوفها واسمعها بنفس الوقت قبل

ولكن سبحان الله بعد ما قريت الموضوع اليوم الصبح عادت وبقوه ورقة مقاضي جديده بعد انقطاع دام اكثر من

سنه تقريبا وياليت الاغراض موجوده في محل واحد لا والله حاشا وكلا

تصدقون ورقة مقاضي مقاس 4 * 6

دخلتني ثلاث محلات

الله يعين بس

:)

جزاك الله خير ام الخطاب

[أم الخطاب]

وإيـــــــــــــــــــــاكم نايـــــــــــــــــــــــت (: