مارد مع بدوي قصه خطيره جدا

[ابو خلود]

مرحبا ......حبايبيني
سلخير على قول واحد ما اطيقه ولا ودي اقول اسمه .......
السالفة ومافيها ...
اني كنت مرة مسوي ازعاج بالبيت صياح وصجه وتكسير قزاز وشخبطة على الجدران ....
المهم ابوي ماجازله الوضع هذا
قام شالني وحبسني في بيت الدرج ......
طبعا كلكم عارفين بيت الدرج دائما مظلم وكله كراكيب وعناكب وجرايد قديمة ... وهلما جرا
المهم ....
الحمدلله كان بيت الدرج عندنا فيه لمبة
انا جلست في الدرج مادري وش اسوي ....
قعدت آخذ من الحشرات الصغيرة وارميها في عش العنكبوت ..
واشوف العنكبوت وشلون يجي وياكلها .....
بعدين اخذ العنكبوت وارميه بجحر الفيران علشان الفار ياكلة
يعني باختصار خليت الفار ياكل وجبتين في وقت واحد

لقيت جرايد قديمة ومجلات
اشوف فيها صور الفنانين اللي مبطي قبل العمليات وقبل الكشخة
فتحت الصفحات الشعبية لقيت قصايد باسماء شعراء
واللحين صارت باسماء ناس ثانيين ......ماعلينا بلاش فضايح
المهم ....
طرت لي فكرة قلت ليش ما ارتب بيت الدرج
قعدت اشيل واحط داخل البيت واكحكح من ريحة الغبار ...
ناظرت تحت طاولة واشوف لي ابريق لونه برونزي وقدييييييييم حيل
قلت يمكن هذا الابريق المسحور
مسكت الابريق وقعدت ادعك فيه وادعك فيه وادعك فيه
فجأة
طلع لي هاك الشايب اللي كأنه له 2000 قبل الميلاد
قال لي : الله يدبل كبدك وش تبي
قلت : الله وناسة انت منهو
قال : انا اللي خايب حظة وطحت تحت ايدينك..
قلت : طيب وش عندك هنا
قال : انا يوم كنت صغير يعني قبل الف وخمسمية سنة قبل الميلاد ...سويت مشكلة وحكموا علي بالسجن داخل الابريق هذا .. طبعا هم نسوني وانت اللي طلعتني اللحين .. اطلب تمنى لك ثلاث امنيات ..
قلت : وناسة ......وناسة .......وناسة
قال : وش تبي آمر ..
قلت : ابيك تخليني على شكل ريال ...
قال : انت مهبول ..
قلت : ايه ابشوف المعاناة اللي يعيشها الريال بيومة ..
قال : الحمدلله والشكر ..
قلت : يالله ... اخلص علي ..
قال : شبيك لبيك خادمك بين ايديك .....شراااااارررروح بررررررررراروح انقلب يا بدوي على شكل ريال
في هذه اللحظات
طلع دخان كثييييييف واحس اني بديت اتقلص واتقلص واختفت يديني ...وتسفطت ثيابي
وصرت ريال .....
قال الخادم : واللحين وش امنيتك الثانية ....
قلت انك تطلعني من هنا ......
قال خلاص .. انتظر شوي
اللحين ابوي حن قلبة علي وجاء يفتح لي الباب
فتح الباب ماحصلني .....وطار عقلة ...وين راح ولدي <<<< مع اني داري انه يقول عسى مايرجع
المهم قالت امي : يمكن خطوفة الجن ....
قال اخوي الصغير لا يبة يمكن انه مسوي له حفرة زي صدام ومنسدح فيها ....
المهم قعدوا ينبشون بالغرفة ماحصلوني وانا طايح على الارض اشوفهم ....
يوم جو يطلعون ناظر اخوي الصغير فيني وانا اغمض علشان مايشوفني قال المارد
ماعليك تراهم مايشوفونك ...
سمعت انا اخوي يقول ياحظي لقيت ريال .........ياحظي لقيت ريال
اخذني اخوي وحطني في مخباته ....
عاد الله من الفضايح لقيت في مخباة اخوي
اكتشفت ان اخوي اذا طلع اصبعه من خشمة على طول دايركت لمخباتة
لقيت جدران المخباة ملطخة من كل جانب ..
طار فيني اخوي للبقالة .....
اشترى له حلاو مصاص .. وعطى الريال لعامل البقالة .....
العمال شالني وحطني في الصندوق
واشوف انا الا والفلوس طاقت حنك مع بعض داخل الصندوق
كل واحد يشتكي من حال
المهم في هذه الاثناء .....دخلت ذيك البنت الجميلة للبقالة .....واشترت لها اغراض
وعطت العامل خمسين ورجع لها الباقي طبعا انا من ضمن الباقي
البنت شالتني مع مجموعة الفلوس وحطتني في شنطتها ...
راحت للبيت ......
انا جالس بالشنطة انا وباقي الفلوس وجوال وعلبة مكياج
شوي واسمع ام البنت تنادي يا فاطمة ....يافاطمة
البنت سمي يمة .
الام : وين باقي الفلوس
البنت : بالشنطة يمة
الام : هاتيهم يالله ...
البنت : ابشري
البنت : طلعت من الشنطة 21 ريال وباقي خمسة بس الظاهر انها ناوية تسرقها من امها
المهم البنت عطت الام الفلوس الام ياليتها حطتني بالشنطة او في محفظة
اكيد انتم عارفين العجايز وين يحطون الدراهم ......ماني بقايل ......
عاد انا عشت في ظلام دااااااااااااااامس
وريحة شييييييييييييييينه
انتظر فرج ربي
جاء راعي الغاز يبدل اسطوانات الغاز للبيت
ويوم جات العجوز تبي تحاسبة
قالت كم حسابك . وانا قاعد انتظر الفرج
قال راعي الغاز . حسابك ياست 21 ريال بس حنخصملك ريال لخاطرك
قلت في نفسي خصمك الماحي ......
طلعت العجوز الدراهم .. وعطت راعي الغاز عشرينه .. ويوم جات تبي ترجعني لمكاني
شافت بنت الجيران الصغيرة ...ونادتها وعطتني ريال ....
بنت الجيران الظاهر انها ماعمرها شافت خير
مسكتني ولفتني ولفتني ولفتني لين صرت كأني مسواك شايب
وحطتني بيدها اليسرى ....
انا ابيها تشتري فيني ......بس الظاهر انها ماعندها نية
تخيلوا البنت تلعب وتاكل وتنام وانا في يدها ......
يوم جاء الصباح ........
وهي تطلع عند الباب وتشوف سيارة الايسكريم .....
وتشتري فيني ايسكريم ....
ويشيلني الهندي ويحطني في جيبة ..
واااااااااااااااع الله لا يوريكم ....ياحليل ريحة العجوز عنده .....
قعدت لي ايام وانا من يد طفل ليد شايب ليد بنووووووووته ليد عجوز
وهنا عرفت معنى الحكمة اللي تقول ان الدنيا دوارة ..
دارت فيني الايام دورتها ...
واطيح في يد شباب بعطلة الصيف
طبعا الشباب ناوين يروحون للشام .
هم صرفوا كل اللي معهم الى عملة سورية وقال واحد منهم لازم نخلي معنا عملة سعودية
طبعا من سوء حظي انهم ماصرفوني ......
يعني انا صرت من العملة السعودية ....وانا ابي اصير عملة سورية علشان اروح لسوريا
مالكم بالطويلة قرروا الشباب انهم ياخذوني ويصرفوني هناك ....يعلن ام الوناسة بروح للشام بلاش
طبعا انا شفت فضايح الشباب هناك من .........ومن .......ومن ..........
راح واحد من الشباب للبقالة علشان يشتري له فصفص وفستق وخس وخيار مدري ليش
المهم بقى عليه مبلغ ..سأل راعي البقالة تاخذون سعودي قال راعي البقالة ايه
اخذني حطني في الدرج
انا شفت الليرات بلونها الاحمر القاني الجذاب
فيه ليرة بدت تناديني وقالت لي شو اخبارك حفحوف
انا ناظرت بالليرة ورديت عليها السلام ....
قلت من انتي
قالت انا سميرة
قلت وش اللي خلاك كذا
قالت : فيه كاهنه زعلت مني وحولتني ليرة
قلت : يلعن ام الوناسة
يعني انا وسميرة مع بعض اللحين
قلت لليرة قصدي لسميرة اسمعي مايصلح نتكلم وعندنا ناس
انتظري لين تخلص الليرات اللي بالدرج
جلسنا ساعات ليرة داخلة وليرة طالعة ليرة داخلة وليرة طالعة
(( شباب اتحدى احد يقولها عشر مرات ))
ليرة داخلة وليرة طالعة
يوم فضا الجو لي انا وسميرة
ويجيني المارد حقي وقال (( خلاص الوقت اتنهى ))
وارجع يا بدوي فاهم
ويشيلني ويردني لبيت الدرج حقنا ....
يوم جاء يدخل لابريقة قال اسمع يا بدوي باقي لك امنية وش تبيها
قعدت افكر وافكر وافكر
قلت ابخلي شباب المنتدى هم اللي يختارونها لي ........
وانتهت الحكاية ......
__________________

[عبد الله العويد]

أنا أول واحد أرد

إذا يقدر المارد يعطيك عقل تطلع خوش أمنية

ههههههههههههههههههه

يعطيك العافية بو خلود :)

[أبو راضي]

اطلب منه انه يلقاء لك وضيفة بدل الا انت فيه

[ذيـــب قـــطـــر]

خخخخخخخخخخخخخخخخخخخخخخخخخ

الله يرج ابليسك بوخلود على الموضوع المزركش هذا:)

وانا اضم صوتي لراي بوراضي << سشالفه انتخابات والا ايش؟

ومشكووووووور خليتني اضحك ودخلت الوناسه لقلبي:)

[ابو خلود]

:36_4_1: نور الموضوع بوجودك الحر




:36_1_5: ابو راضي ابي وظيفه مدير صيدليه


:36_1_20: هلا والله ذيب قطر

[{{ أبوسعود }}]

بو خلود برد عليك فى البالتوك هناك تعرف ردى هههههههههههههه ^_^

[read114]

السلام عليكم يا بعد ئلبي
من الملاحظ أنك ذكرت الشام المباركة و كأنها ملهى
و هو شيء مزعج جدا
فأرض شامنا هي أرض مباركة و هي للجهاد و السكن
{وَأَوْرَثْنَا الْقَوْمَ الَّذِينَ كَانُواْ يُسْتَضْعَفُونَ مَشَارِقَ الأَرْضِ وَمَغَارِبَهَا الَّتِي بَارَكْنَا فِيهَا وَتَمَّتْ كَلِمَتُ رَبِّكَ الْحُسْنَى عَلَى بَنِي إِسْرَآئِيلَ بِمَا صَبَرُواْ وَدَمَّرْنَا مَا كَانَ يَصْنَعُ فِرْعَوْنُ وَقَوْمُهُ وَمَا كَانُواْ يَعْرِشُونَ} (137) سورة الأعراف
{سُبْحَانَ الَّذِي أَسْرَى بِعَبْدِهِ لَيْلاً مِّنَ الْمَسْجِدِ الْحَرَامِ إِلَى الْمَسْجِدِ الأَقْصَى الَّذِي بَارَكْنَا حَوْلَهُ لِنُرِيَهُ مِنْ آيَاتِنَا إِنَّهُ هُوَ السَّمِيعُ البَصِيرُ} (1) سورة الإسراء
{وَنَجَّيْنَاهُ وَلُوطًا إِلَى الْأَرْضِ الَّتِي بَارَكْنَا فِيهَا لِلْعَالَمِينَ} (71) سورة الأنبياء
{وَلِسُلَيْمَانَ الرِّيحَ عَاصِفَةً تَجْرِي بِأَمْرِهِ إِلَى الْأَرْضِ الَّتِي بَارَكْنَا فِيهَا وَكُنَّا بِكُلِّ شَيْءٍ عَالِمِينَ} (81) سورة الأنبياء
{وَجَعَلْنَا بَيْنَهُمْ وَبَيْنَ الْقُرَى الَّتِي بَارَكْنَا فِيهَا قُرًى ظَاهِرَةً وَقَدَّرْنَا فِيهَا السَّيْرَ سِيرُوا فِيهَا لَيَالِيَ وَأَيَّامًا آمِنِينَ} (18) سورة سبأ


و على كل يا بوخلود أقول بالنسبة للأمنية الثالثة قله :
أن تسكن بالشام و يكون لك بيت بالشام

[ابو يوسف]

قصة جميله


يعطيك العافية بو خلود

[ابو خلود]

يا هلا والله

يالله حيهم

[Too O ooT]

http://www.jojokw.net/s606s/83.gif