تعلم الهجه البحرينيه

[ينابيع]

السلام عليكم ورحمة الله وبركاته

تعلم الهجة البحرينية

زنجفره : فانيلة
سريده / سبره : بروده
لبلب : يقولون حق الشخص اللي يتكلم بطلاقة
تمبه : كرة
كيزر : فريزر
دون : قريب
قميظة : حسافة
مملوح : وسيم
أدناة الدون : اقل شي
ورا : ليش
قلّه : توحه : حذفه
سبيتار: المستشفى و اعتقد انها ماخوذه من hospital
الدختر يعني الدكتور .. أكيد تعرفون
عمبلوص: سيارة الاسعاف و ماخوذه من ambulance
محيوب: مريض
ميهود : تعبان
سقطه :حر
سهده : هدوء
ميوه : خضرة و فاكهه على ما أظن
قلج : صعب
غلّق الوقت : تأخر الوقت
عكس : صوره ... مثلاً خذلي عكس يعني صورني
الجابله : باجر
بست : باص
قيلمه : سلحفاة
قريظة : لها معنيين ( قليل) و ( بعد شوي)
انشد : اسأل
دويحه : دائرة
تميل عليك : طاح حظك
ربل : بلاستك أو مطاط
كرفاية : سرير
دندره : ازعاج
سحة : تمر
نيشان : علامة أو إشارة
قراده : حظ سيء
فرم : فرن
نحو الأمية : محو الأمية
نوبة الثانية : مرة ثانية
هالنوبة : هالمره
كشته:رحله
الللابله:عقب باجر
قطيع:دورة مياه
دجه:عتبه
أم سيان:المغرب
دهريز:مدخل البيت
كرفايه:سرير
دزدان:شنطه
كشمه:نظارة
قبقاب:حذاء ( نعل )اعزكم الله
روشنه:حفره في الطوفه في غرفة النوم لوضع الأغراض
خرمس:ظلام
حزاه : قصة
حبيبة : قليل
يزرط : يبلع بدون مضغ
هبيط : منخفض
نمونه : اعتقد ان ماخذينها من نموذج
نمره : رقم
حفيز : officeمكتب
بارظ : مزاج
قصله : قصير
بريج : ابريق
بيديو : فيديو

[نايت]

:):)

جزاك الله خير ينابيع

ولكن اعتقد اللهجة البحرينية لا يمكن تعلمها الا بالصوت خخخخخخخخخ

:)

بس ترى صج عندهم وايد كلمات تينن

[عبد الله العويد]

في كم كلمة نقولها أيام قبل

مثل غميظة و دويحة للي ساقط لأنهم كانوا يحطون على العلامة دائة حمرة و كرفاية

بس يااااااه أحس الغبار طلع لم سمعتهم :)

أما عن التعلم تأييد لنايت فإن طريقة التعليم كانت ناقصة

نبي نعرف المدود كل مد كم حرف :)

شكري و تقديري ينابيع

[ينابيع]

يبغالنا نجيب بحريني صغير يعلمنا المدود :)

مشكورين على المرور

[Too O ooT]

أنا اذا سمعت بحريني يتكلم فمي يبدأ يتلوى

أتعب أتعب

[قبل الرحيل]

بارك الله فيكم ينابيع

ومثل ما قال أخي نااايت لا يكتفي بالقراءة بل نحن بحاجة الى تدريب صوتي

وخصوصا مع اللهجة البحرينية لكثرة التفخيم فيها