عاجــــــــــل ( الاجتماع في خيمة ابو سارة )

[Too O ooT]

http://up.c-ar.net/7d4b2.gif

Too O ooT

مع اشراقه يوم جديد .. وكعادتي كل يوم .. استيقضت على زقزقه الغربان المعششه على سطح مكيف غرفتي ..

كنت مستلقيا على سريري المتواضع فتحت عيناي بتثاقل شديد .. عندها تزاحمت الافكار في مخيلتي .. ومن غير شعور طارت يدي وانغرز اصباعي في سرتي طبعا هذي الحركه الخنفشاريه لتثبيت الافكار وجعلها تندرج داخل فكره واحده ..

و لكن مازلت اشعر بتواتر الافكار في مخيلتي .. فرعصته بشده حتى سمعت صوت بنكرياسي يقول لي : سلامات يابو الشباب حدك يالاخو ترا ماغلطنا عليك ..

انا ماانتبهت له لان صوت افكاري كان اقوى .. كانت تصارعني من اجل البقاء .. لقد كان جل تفكيري على كيفيه كسب رزقي.. واي شارع ساختاره اليوم لعرض بضاعتي .. اللي هي بيع كراتين من قوارير التوت ..

تمغطت و قمت من فراشي وانا اتخبطت فيني النوم توضيت وصليت ..

فتحت دولابي عشان البس بزة العمل اللي هي عباره عن ثوب اصفر فكل مكان فيه به رقعه .. طبعا ذا الثوب له ذكرى عظيمه .. لان اللي خاطته (القراند ماذر ) الله يخليها لنا عام 1234قـبل الميلاد .. لولا الله ثم هي كان صارت لي علوم << ماعندك غيره اصلا ^_^

المهم مااطول السالفه وهي قصيره .. اطلع من بيتنا واشغل موتري وانطلقت متوكلا على الله في شوارع المدينه .. وانا منهمك ادور لي شارعن ابسط فيه الا يدق جوالي تيتيييت تييتييت << رساله وسائط ^_^

قلت عسى ماشر .. << محد يرسل له رساله وسائط مقحرطين خويانه ..

المهم .. افتحها الا المقاتل منبطح على صندوق الونيت حقه ومطلع رجله وحطها على الرصيف يقالكم يعني انه حاجز لي مكان معه .. وكاتب لي تراك تاخرت يابو الشباب تعال انا بشارع خريص انتظرك

http://up.c-ar.net/7e3a1.jpg


ونيت مقاتل ^_^

7
7
7



وذي خشته ^_^

http://up.c-ar.net/3a9af.gif



واسوي يوتيرن وارجع لشارع خريص وقبل مااروح له قلت ياولد مر اقرب فوال وجب لك تميس وفول قرمش عليه انت وخويك

المهم قمت افكر وانا مشغول في تفكيري الا قطع حبل افكاري صوت الفوال وهو يقول تميس تميس فول فول تميس تميس واقرا اسم المحل الا هو

فوال قطر كل منه كثر المطر ..

عند المعلم ذيب ..

http://up.c-ar.net/0e7ed.gif

ذيب ^_^

وانا ما يمديه يخلص جملته الا وانا طاب عليه.. صراحه المحل مغري قمه في الرومنسيه والهدوء ..

دخلت المحل واقوله لو سمحت عطني المنيو << جلست سنه لين حفظت هالكلمه مدري وش معناها

وهو يقول لا تقعد تتفلسف عندي منيب فاضيلك << شديد ^_^

اخلص علي تبي تميس وفول .. قلتله هذا هو ايه ابيه ..

المهم قام يسويه قدامي ينقاله نظيف عشان لا اشك فيه .. وانا يا حظي قاعد اتامله من الطفش .. الا الاخ بدا

** لفته **

اطمر هالمقطع ان كنت من اصحاب القلوب الرقيقه ..

الا الاخ بدأ بفرد العجينه الله الله .. الحمد لله على النعمة

قلتله اذا خلصت يا الحبيب شوفني هنا جالس ولا تنسي تجيبلي فنجال شاهي

المهم عطاني التميس والفول ويوم جيت احاسبه
الا

الا

الا << يسمع فالاكشن ^_^

الا اقول لاااااا

منيب مصدق يؤؤ يؤؤ

اصبر اصبر

واتمقل فخشته شوي ..

واقول: انت انت كاني اعرفك ؟

قال : سلامات يابو ؟

قلت له : تعرف انت موقع همه المسلم ؟

قال : امممممممم لمين هو !

قلت له : لابو ساره ^_^

الرجاء الاتصال على بيجر رقم ******** خدمة سته وعشرين ساعه ^_^

قلت له : عاش من شافك يالغلا .. وينك وين ايامك ..

قال : ابد تعرف ربي فتح لي باب رزقه ونشغلت عنكم شوي ..

قلت له : الله يوفقك اخوي ..

المهم .. استاذنت منه لان الظهر بيأذن وانا مارحت للمقاتل .. وهو الله يسعده سوى كريم رغم اني نشبت فحلقه ..

واقول له : لا والله انك تاخذ فلوسك يارجال ..

المهم اصر هو واحرجني و عطاني التميس والفول مجاني .. وقال ذي اول واخر مرة لاعاد اشوفك هنا فمحلي تقطع علي رزقي ^_^

المهم واروح للمقاتل واسلم عليه وهو يقول وييييييييييييييييييييييينك تاخرت

قال لي : عسى مو شر ..

قلت : ابد .. بس ابو ساره جاني واخذ مني اربعه برتقال ويقول انا بجي مره ثانيه وابي توت يعطيني كرتونين << عنده ضيوف كعادته كل اثنين ^_^

والا والله ثم والله اجيب له البلديه واخليهم يقفطونه وهو يهرب للمنتدى توت

ااااااااه بس ياتوت هذا وانا اللي معرفك على الموقع ابيك تكون اول المتواجدين ..
وانت قاعد تلفلف فذي الشوارع .. الله يهديك بس ..

قلت له : الله يعين وانا اخوك ..

واقعد انا واتفرج علي الي رايح وجاي ومتركي على باب سيارتي وجمبي ترمس شاهي وقاعد ابكي حبتين و اتحسر على حالي وشبابي الي بيضيع هدر وانا مابعد تهنيت فيه..

هون علي المصيبه اخوي المقاتل يوم قال : لا تشيل هم وانا اخوك .. اليوم الشباب مجتمعين على خير فالبر ومسوين امسيه خاصه لاهل همه المسلم يحيها اخونا هجير القوافي

مسحت الحبيتن وقلت : الحمد لله على كل حال ..

قال : ياشيخ انت جايب بندقيتك

قلت له : ايه .. شفها ورا ليش !!


قال : والله ودي اروح للمقناص وزين لقيت واحد يخاوني

قلت له : قدام .. ومنها نتغدى ^_^

سرينا

طبعا على وين

على

على


الثمامة قدا111111111111111م

وطول الطريق مقاتل ماغير ينشد والا يشعر تخيلوا انه مركب برنامج صدى بمسجل ونيته ^_^

ونشوف لكم ذي القميري اللي يحبها قلبك

وهات طخ طخ طخ

وامطرت الارض قميري


http://up.c-ar.net/f0845.jpg


http://up.c-ar.net/53166.jpg


http://up.c-ar.net/a56fb.jpg

http://up.c-ar.net/552ff.jpg

http://up.c-ar.net/6a86a.jpg

واكلناها

http://up.c-ar.net/ff9ba.jpg

الحمد لله ^_^

...

ودنت ساعه الرحيل وبدت تظهر لنا شمس المغيب وشلنا عفشنا وتوكلنا على الله ..

وصلنا هناك لقينا العالم مجتمعين

http://www.jojokw.net/s606s/1110811282619.jpg


يؤؤ سلامات وش اللي صاير

قال المقاتل : هنا خيمه ابو ساره ورفيقة أبو عبدالرحمن

قلت له : وش يسوون فيها !!!

قال : يحيون فيها امسيات شعريه .. واليوم بيكون فيه كلا من ..

الشاعر :هجير القوافي صاحب القوافي الناريه

http://up.c-ar.net/4bd9a.gif

والشاعر : نديم الليل مخربها ^_^

http://up.c-ar.net/50fd9.gif


رحبوا فينا ترحيب حار يوصل لدرجه الغليان ^_^

بعدها عيننا من الله خير

وقعدنا سوا وكل واحد قام يعرفنا بنفسه ^_^

طبعا الجلسه كان ملؤها المحبه والوئام..

مليئه بالمشاعر الفياضه << وش تبي انت ^_^..

http://up.c-ar.net/bcd37.bmp


ذي يد ابو ساره خخخخخخخخ

وذي خشته ^_^

http://up.c-ar.net/0d4e3.gif


طبعا القهوة كانت عباره عن ...

http://www.jojokw.net/s606s/41212.bmp

لا تعليق ^_^

يعني طلعوا بدوان حيالله ^_^

طبعا

انا ماقلت هالقصه عشان توسعون صدروكم بس

ابي كل واحد يتخيل اننا الحين بالبر وقاعدين على شكل حلقه

وكل واحد يعلمنا وشلون عرف هالمنتدى وعن طريق من

<< الزبده من الموضوع ^_^

مع اعتذاري للجمـــــــــــيع محبكم توت

…

ملاحظة :
في تنكات توت خاصه انا مكيلها للي يبي من اعضاء المنتدى ..

قال : اهااااااا هلا والله هلا .. امطخ امطخ << بوسات

[ذيـــب قـــطـــر]

خخخخخخخخخخخخخخخخخخخخخخخخخخخ

صراحه انا جريء اقولها لك اشكرى لا تجي لانك تقطع رزقي

خخخخخخخخخخخخخخخخخخخخخخخخخخخخخخخخخخخ

هلا وغلا بكل اللي نورو القعده

انا صراحه دخلت البالتوك طبعا اول مكان لي الاحبه

بس عقب استأذنت اخذ لفه على الرومات ودخلت رياض المسك

شوي والمقاتل يقول لي لسنر افتح الخاص تدرون انا مشهور

والمعجبين وايد واضطر لغلق الخاص لدي<<< حلوه اضطر هذي

المهم افتح الخاص ويدخل علي كنه بحرب تدري اسم على مسمى مقاتل

ويقولي انهم فتحو منتدى اول امس ويبي حد من قطر معاه<< احم واحسن الاختيار

ثاني يوم وانا طاااااااب عندكم ومسجل نكي غير اللي بالبال لانهم عقدوني

وذي كل السالفه احم احم احم نشف رييقي ابي ماي كح كح كح كح

ابي مااااااااااااااااااااااااااي مزركش لو سمحتو بسرعه لأختنق

الله يعطيك العافيه توووووووووووت على الموضوع المزركش:)

[عبد الله العويد]

ههههههههههههههههه

قصة ولا أروع والله يعطيك ترليون عافية

طبعا أنا عرفت المنتدى من الحج أبو عبد الرحمن وهو يضبط فيه ابلشنا اشرايك و اشرايك

وانا كنت اهايط لو تسوي كذا او كذا

طبعا ولا شي سوى من اللي قلت له

وما كنت أدري إنه خلاص افتحه لين جاني لحظة صمت وقالي

و بعدها سجلت

الحلو إن رقم العضوية للحظة صمت عشرة وانا احدى عشر

شكري و تقديري لكم وتوتكم الكريم :)

[{{ أبوسعود }}]

من اى تعبير اعبر

من اى لسان اتكلم

من اى يد اكتب

ولكن استجمع قواى

واقول

فديت يدك يا توت ههههههههههه ياحبى لك

موضوع رهيب الصراحه اما

انا عرفت المنتدى طال عمرك

دقيت على ابوعبدالرحمن

بعد صلاة العصر مباشره وانا امشى

ردعلى قلت هلا والله قال هلا بك يا ......... الراقبه الشرعيه ههههههههههههههههههه

قلت له تصدق يا دوريه قال سم قلت جاتنى فكره نسوى منتدى وش رايك

قال سبحان الله وانت تصدق نفس الفكره امس اكلم فيها ابو ,..... قالت ماشاء الله

قلت شوف توكل على الله ثلاث ايام وابيه جاهز قال اصبر قلت شف انا ابغى حار بحار

المهم وكل يوم طاب فيه ليه وليه وليه وينك وين الموقع وجزاه الله خيرا استحملنا انا والمسلم

بس والله كانت ايام فى قمة الروعه كنا نجلس بالمسنجر من الساعه 1 الى 8 الصباح ونشاور ونتهاوش هههههه

والحمدلله وافتتح المنتدى وهكذا عرفته ....

أبوالزبيــــــــــر

[نديم الليل]

هههههههههههههههههه

الله يجزاك خير أخي توووووووووووت ودائماً تتحفنا بمواضيعك المرحه

ونسأل الله أن يوفقك لمى تحبه ونرضى

أما تعريفي للمنتدى

كنت أنا في منتدى من المنتديات توه جديد وحطيت كل جهدي فيه وتعرفت على أخي الحبيب المسلم (( نعم الرجل ))
المهم قمنا نشارك فيه انا والمسلم إلين جاء الوقت الي ما نتوقعه وصار لبس في المنتدى وتركناه ومن ثم دخلت البالتوك وأول غرفه أدخله هي رياض المسك ويشهد الله أني أرتحت فيها وبعدين جاء الفرج كلمني على الماسنجر أخي المسلم وقال في منتدى فتح وعلى طووووووول سجلت فيه بدون تردد لأن فيه الشباب الخيرين أمثالكم.

ويشهد الله أني أحبكم فيه

[Too O ooT]

ندااااااااااااااااااااااااء لجميع اعضاء منتدى همة المسلم


الموضوع مطروح للجميع وليس فقط لمن ذكرت اسماؤهم في القصة


فلا تحرمونا من مشاركاتكم الطيبة


""""

[أبو سارة]

أضحك الله سنك أخي الكريم توت ..
أدخلت البسمة على وجوهنا ..

[Too O ooT]

وين الباقين ترى الشمس اذبحتني وانا انتظر

فيه سحوبات بالاخير شاركونا ولاتندموا


:36_1_47:


""""

[سعد الناصر]

ما شاء الله ..

حيا الله الربع كلهم ..


انا عرفت المنتدى عن طريق الدورية الله يجزاه خير :)

بشرني بهالمنتدى ( وكنت ذاك الوقت في البر , ويا زينها من ليلة " مو عشان الخبر ترى :) " ثم ارسل لي الدورية العنوان .

[عبد الله العويد]

تطفل على الموضوع :-

حياك رب البيت العيناوي

إذا عرف السبب بطل العجب

كنت أظنه حريق في المنتدى و إذا به العيناوي عندنا :)

[سعد الناصر]

الله يحييك يا الحر ..

هذي الحريقة الي شفتها من حرارة الشوق لك يا الغالي :)

[ابومفرح]

هههههههههههههههههه ياحلو سوالف البر والمطر سوالف تشرح القلب ومجلس طيب

جزاك الله خير اخوي توووووووت

[نايت]

طااااااااااااط طااااااااااااط وخروووووا

جيتكم على الجيب

صب قهوه يالدووووريه

تراني ما صدقت ابيع الكتكات اللي معي كله

من الساعه 7 وانا بطريق الملك فهد

الناس هناك رهيبين ما ياخذون الباقي بس يقهرون ما ينزلون من سياراتهم لازم انت تروح لهم

عكس طريق خريص هم اللي ينزلون ما علينا

انا ادري توت ما حط اسمي لان مبيعات الكتكات اكبر من مبيعات التوت


ما علينا مسامحه والمسامح رهيب

تعالوا اقولكم كيف عرفت المنتدى

مره من المراريت كنت قاعد اتصفح الانترنط

المهم وادخل قوقل قلت بدور مواضيع عن الكتكات لاني كنت ناوي اسوي دعايات واعلانات واوزعها في الشوارع

واكتب في البحث هم هم كتكات لذيذ

فجأة تطلع لي مواقع كثيره عن الهمهمات

والقى من بينهم همة المسلم مدري وش طلعه بس عاد صار اللي صار

قلت خل نشوف هالموقع اسمه يجنن

وادخل الا اللي يشترون من عندي كلهم في المنتدى وعلى طول سجلت معهم

------------------
ملاحظة مهمة = ترى اللي فوق مب صحيح واصل القراءة عزيزي المكتكت لتعرف الحقيقه
------------------

الحقيقه ما قصر اخوي ابو عبدالرحمن اخبرني من قبل انه يبي يعمل المنتدى

وحقيقة ماكنت افيده كثير ولكن ما شاء الله عليه ابدع وطلع لنا المنتدى هذا واجتمعنا فيه مع احبة في الله نحبهم

والله ولم نراهم عسى الله يجمعنا في الجنه

جزاك الله خير اخي توت على هذا الموضوع الرائع

[Too O ooT]

الموضــــــــــــــوع له بقية اخوي نايت بس اصبر انت توك جاي


لاتنسى انت عضو رئيسي في القصة القادمة


بس اقول ترى الكتكات يسوس الاسنان مو زي التوت فيه فايده



الكتكات شوكلاطاتي المفضله مممم




"""

[سنــــــــــد]

[align=justify][align=right]تصددددددق ياتوووووووتو انك ررررررررهيب
وبيني وبينك يحقلك تطلب مزايا ماليه من ادارت المنتدى وبيوافقون انا متئكد بس هاه لاتنساني قل بترك المنتدى انا وخوي سند يامزايا ماليه لنا والا نمشي سوا سوا
............................................
وعلى طاري المنتدى في يوم من الايام وانا جالس في بيت الشعر على ذيك الزوليه الي يحبها قلبك من كثر الزقرشه الي فيها ولاسد معلق على عمود البيت والبندق مربوطه في طنبه ودلت البيبسي قدامي واقند راسي منها واقدع من صحن بسكوت وسارح بخيالي في الذود قدام ناضري(الذود قطيع من الضبان الاليفه) والعب بالسلسله بأصابع يدي (قالولي بألف قصيده) الا وذاك الطبق الطاااااائر وهو ينزل قدام بيت
الشعرررر وشوي وينزل منه ذاك الولد المزيووون(فيما بعد عرفت انه المقاتل متنكر)لابس تي شيرت مكتوب عليه (منشد رياض المسك) وانا افز والقط الاسد من العمود وصوبه يمه وقلتله عندك يابو الشباب ابرز هويتك لو سمحت يالشيخ ..........
وبعدها رحت في غيبوبه مدري وشي منه ويوم صحيت الا هو امخليلي صحن مكتوب عليه رابط المنتدى ويقولي فيه انكانك تبي اتصير مثلي مزيون سجل في المنتدى ....وبس
.................................................
ودمتم للجميع / محبكم للنخاع سند2 فضائي[/CENTER][/CENTER]

[Too O ooT]

الخيمه ^_^

http://www.jojokw.net/s606s/DSCN03664.jpg



ذي الخيمه من الداخل


7
7
7


خيمه ابو سارة ^_^


قلطنا وبدا يعرفنا على الشباب واحد واحد

كانت حالة كل واحد من الاعضاء داخل الخيمه كالاتي :

ذيب قطر << متركي على المركى ^_^

المقاتل << يتامل الاسلحه وادوات الصيد

الحــ AL-7R ــر << يكلم الصقور

نديم الليل << سرحان عالم اخر

ابو ساره << شايل هم الموجودين وقاعد ينتف شعر شنبه

العيناوي << ماغير يتمقل فالموجودين

ابو عبدالرحمن يشب النار عمانا بالدخان الله يصلحه

http://www2.alrwaq.net/up12/05120810255788278.jpg


ابو مفرح << يسولف مع سند( شخصيه ومريش )


نايت << يعد كم فيه من نجمه واقوله لا غلط عيد عدها مره ثانيه ^_^

وكل ما قرب عند الاربعين يوقف ( عنده سر مع الاربعيني )

سند << قلنا .. يسولف مع ابو مفرح ..

الله العالم شكل بينهم سر كبير ^_^

فجاه ومن دون سابق انذار قمز ذيب قطر وقال

قوووووووووووول تبون كلام مزرررركش:

بعد صلاه الفجر ودنا نروح نقنص

قلت له : عندك سياره تسعنى .. ترا نبي كل اللي بالخيمه يجون معنا

قال ايه

قلت وش نوعها ؟

قال جيب << ودي اكفخه كنت احسبه بيقول باص والا شي

عاد تخيلوا نطعس بباص خخخخخخخخخخخ

عاد يوم سمع هجير القوافي طاري السيارات

ويحن قلبه لجمسه ويسرد لنا بيتين شعر


""""
انا غايتـي جمـس جديـد علـى التمريـن
مصفح ولوحاته خصوصـي السعوديـه

عريض التواير والمكينيه على سيريـن
وعلى كيف بالي خمـس اشكـال بوريـه

رفيع التوازن والمسجل علـى صوتيـن
وشكل بويته بيـن البيـاض والسماويـه

لمـن عشقـه واحــد ثــم رجـعـه لثنـيـن
خطيـر عـلـى المـاطـور لــولا كراسـيـه

لمـن عشقـه ثالـث مــع دبـلـة البنـزيـن
نهض مقدمه واشر انبيره علـى الميـه

بعد ما تمرن في البلد لين وصـل الفيـن
نـوى السفـر يـارب تـسـوي لــه النـيـه

سواقه شجاع رخصته قبل عشر سنين
شافـه المـرور وقـال رخصـه عموميـه


قال ذيب قطر اللي يبي يجي حياه الله انا ماشي ماشي


http://www.mekshat.com/pix/upload/images11/mk1112_twwe3.jpg




جيب وخيمة منظـر ينعـش الـروح *** في مهمـه ممطـر سماهـا وسمبـه
والشمس باقي من سناها سنا ضـوح *** والنار في جمـر الغضـا تبتـرم بـه
مع صفة الرسـلان والـزاد مطـروح *** وكحل الفضا عين المولـع عتـم بـه
والهرج ماقـل دل والبـال مشـروح *** جلسة عرب زول الهمج ماهمـم بـه
وقبل الفجر طيره يغرد علـى الـدوح *** صاح النجر والصيـد كـل عـزم بـه

طبعا لا تسؤلون وش لون كانت الرحله

7
7
7
7


غرز الجيب وانقلبت الروحه فوق تحت

http://www.arab7.com/up/file/1110811386935.jpg

رجعنا للمخيم باخر الليل

طبعا النهار كله كنا نطلع السياره المغرزة


سريت ليـل الهـوى لين انبـلج نوره *** أمشي على الجدي وتسامرني القمرا
طعس وغدير وقمر ونجوم منثوره *** وأنـفـاس نـجــد بها جـرح الدهــر يبـرا
حبيبـتي نجــد عــيني فيـك معـذوره *** مـعــشـوقـة الـقـلب فيـهـا للنظر سحرا



قام ابو سند وقال بمناسبه هذه الليله الفضيله اللي ربي كتب لنا فيها اننا نجتمع معكم فذا المكان المبارك

احب اني اهدي كل واحد

<< قالها وهو ينطل كيس القروش على الارض << حاتم الطائي ^_^

احب اني اهدي أي واحد كان متواجد معنا بذا المكان لون يصبغ فيه ثوبه مجانا ( قصدي نكه ) << تراه يسوي دعايه لمغسلته بس بطريقه غير مباشره ^_^



سامريه دوسريه

يالله الـيــوم يــــاروّاف """ يابـو الافـراج عـاونـي
خوفوني وانا ما اخـاف """ وأحسب الضلع يزبنّـي
هـيـه يـالايـم المـيـلاف """ ماتشـوف الجمـل حنـي
ليت لـي بكـرة ميـلاف """ وأحتلبهـا علـى المـنـي
الحذايـا غــدن رهــاف """ والحفـا يرعـب الجنـي
يحسبني عمي مااشوف """ يتـقـي بالـنـخـل عـنــي
لابـس ثوبـه الـرفـراف """ والــردايــف يهـبّـلـنـي


وختاما شوفوا ابو مفرح كيف يمارس رياضته


http://news.bbc.co.uk/olmedia/865000/images/_866720_camelbap150.jpg
وســــــــــــــلامتكم

ملاحظة
اتمنى من الاخوان ان يكون الرد
بعد تخيلك وانت جالس في خيمة ابو سارة
ثم تسرد الرد على ذلك

"""

[{{ أبوسعود }}]

الله والله ياسلام جلسه رهيييييييييييييييييييييييييبه مره

خصوصا لما ابوساره بنتف شنبه متى يطلعون هههههههههههههههههههههههههههههههههه

اما عاد انا اتامل فى ادوات الصيد يا حبى للاسلحه

بس سند شدعوه بيصبغ ثيبنا هههههههههههههههههههههههههههههههههه

يا سلام عليك يا هجير القوافى شاعر ماشاء الله عليك

اهديك هذا البيت عن الجمس .... والجمس قايل ترررم والجمس قايل ترررررم شكمانه كانه قيتارا

^_^ وش رايك

بس انا زعلان من شئ

وتعرفه انت يا توت اورييييييييييييييييييييييييييييييييييييييييييييييي ييييييييييييييييييييييييييييييييك

وااااااااااااااااااااااااااااااع

هين هين يالضبان انتم مصيودين بسجمان ههههههههه <<<<<<دخل جو

[ريال فسحه]

خخخخخخخخخخخخخخخخخخخخخخخخخخخخخخخخخ

توت المنسم عليك مواضيع

خخخخخخخخخخخخخخخخخخخخخخخخخخخخخخخخخخخخخخخخ

""""""""""

[Too O ooT]

مقاتل وش فيك لهيت بالاسلحه

وريال فسحة من زمان موجود قلطه

انا بروح شوي وأرجع ابي اتفاهم

مع ابو عبد الرحمن اللي عمانا بالدخان

شكله مايعرف يشب النار ابد


"""

[ينابيع]

العجيب اني مسنتر بالمنتدى اربعة وعشرين ساعة وماشفت الموضوع


http://up.c-ar.net/4bd9a.gif

انا زعلان عليك توت ليه تحط صورتي وانا شين؟ وهاج كشرتي كان قلت لي اعطيك صوره ازين اشوي :)

طيب بقولكم كيف تعرفت على المنتدى

في يوم من ايام الشتاء البارد كنت قاعدن برياض المسك لاهي احوس بالمنتديات وكل اشوي اطالع وش عندهم

ولا اسمعهم يتكلمون عن منتدى وكان ابو عبدالرحمن والمسلم كل واحد يحط الرابط مره

طبعا ماصدقت خبر فتحت الرابط وسجلت بدون تردد

جزاااااااااااااك الله خير توت

[الهــ فارس ــمة]

اخوي توت اللذيذ اشكر لك بصمتك التي أسهمت برسم البسمه على محياي بهالقصمة ,,,

بس الى الان لاادري من هو بطل هالقصة

>>>> يلمح بدور البطوله لعدم ذكر اسمه

سأروي لك قصتي بالوصول الى هذا المنتدى
كنت بطريقي الى عالم الانترنت المترامي الاطراف الى ان وصلت الى ماسنجري الله يحفظه من الاختراق ووجدت اخي ابو عبدالرحمن اون لاين رافع شعار كما تعلمون الفزعه يالربع المنتدى غرق من موضوع توت بالبر وهو تحت الاختراق وهكذا الى ان استرجع المنتدى ... وكما تعلمون ان المنتدى لم يخترق


اترك لك تكملت القصة توت
>>> دور البطوله اخوي توت جبته لك وهو انقاذ المنتدى

اخوك فارس الهمة